भारतविरुद्ध नेपाली टीममा दुई परिवर्तन : कृतिका बेञ्चमा, डलीलाई मौका

काठमाडौं । श्रीलंकामा जारी वुमन्स एसिया कप अन्तरगत समूह चरणको आफ्नो अन्तिम खेलमा नेपालले दुई परिवर्तन गरेको छ । नेपालले स्पिनर कृतिका मरासिनी र ब्याटर रोमा थापालाई बाहिर राख्दै सबनम राई र डोल्ली भट्टलाई प्लेइङ ११ मा समेटेको हो ।

रोमाले पाकिस्तानविरुद्ध अघिल्लो खेलमा ब्याटिङको मौका पाएकी थिइनन् । मरासिनीले दुवै खेलमा गरी ३ ओभर मात्रै बलिङ गर्न पाएकी थिइन् ।

मध्यम गतिकी बलर सबनमले यूएई विरुद्ध खेले पनि पाकिस्तानविरुद्ध छुटेकी थिइन् । उनले आज कमब्याक गरेकी हुन् । डोलीले भने एसिया कपमा पहिलोपटक मौका पाएकी छन् । उनी पनि मध्यम गतिकी बलर हुन् ।