मदन पुरस्कारमा छनौट भएका सबै लेखकलाई प्रधानमन्त्री ओलीको बधाई, ‘मुकाम रणमैदान’ पढिसकेको भनाइ

काठमाडौं । आज सार्वजनिक भएको मदन पुरस्कार २०८० को पुरस्कारमा छनौटमा परेका शीर्ष पाँच कृति तथा तीनका छ लेखकहरुलाई प्रधानमन्त्री केपी शर्मा ओलीले सामाजिक सञ्जालबाट बधाई दिएका छन् ।

मदन पुरस्कार गुठीका अध्यक्ष कुन्द दीक्षितले आज एक प्रेस विज्ञप्तिमार्फत छनौट भएका पाँच कृति सार्वजनिक गरेका थिए । प्रधानमन्त्री ओलीले आफ्नो सामाजिक संजालमा सार्वजनिक पाँचैं कृतिहरुमा आफूले छनौट भएका पुस्तकहरुमा ‘मुकाम रणमैदान’ मात्रै पढेको र अरु पढ्न बाँकी भएको भन्दै ओलीले लेखेका छन्, ‘पुस्तक पढ्ने बानी बसालौँ ।’

यो वर्षको पुरस्काको लागि ३०४ कृतिको आवेदन परेको भन्दै गुठीले छनौट भएका कृति तथा लेखकहरुमा मुकाम रणमैदानका लेखक तथा पत्रकार मोहन मैनाली, डम्फूको आत्मालापका लेखक भक्त स्याङतान, भावलिपिका लेखकहरु भावेश भूमरी र प्रणिता चाम्लिङ, सन्त्रासका साठी दिनका लेखक रोशन थापा ‘नीरव’ र नुन–तेलका लेखक जीवन क्षेत्री परेको सार्वजनिक गरेको छ ।

याे पनि पढ्नुस्: मदन पुरस्कारमा ३०४ पुस्तकको आवेदन, पत्रकार मैनालीको ‘मुकाम रणमैदान’सहित यी ५ कृति छनौट