प्रस्तावित निर्वाचन आयुक्तबारे सुनुवाइ समिति अनिर्णित, यौन शोषणको आरोपमा प्रधानको यस्तो प्रतिरक्षा
प्रधानको जवाफबाट सांसदहरु असन्तुष्ट
![](https://www.nepalpress.com/wp-content/uploads/2020/11/nepalpress-logo-n.png)
![](https://www.nepalpress.com/wp-content/uploads/2024/07/pradhan-samsadiya-siunuwai-e1721817641181.jpg)
काठमाडौं । प्रस्तावित निर्वाचन आयुक्त कृष्णमान प्रधानबारे संसदीय सुनुवाइ समिति अनिर्णीत बनेको छ । आज भएको सुनवाइपश्चात् समितिले कुनै निर्णय लिन नसकेको हो ।
श्रेष्ठमाथि यौन दुर्व्यवहारको उजुरी परेको छ । आजको सुनवाइ मुख्यतया यही आरोपको सेरोफेरोमा घुमेको थियो । संसदहरुले यही विषयमा प्रधानलाई र्याखर्याख्ति पारे ।
प्रधानले आफ्नो प्रतिरक्षा गरे पनि सांसदहरु सन्तुष्ट देखिएनन् । विषय संवेदनशील भएकोले अर्को बैठकबाट निर्णय गर्ने भन्दै उठेका छन् ।
प्रधानले आफूमाथि लागेको आरोपबारे जिल्ला अदालतमै सम्बन्धित व्यक्तिसँग मिलापत्र भइसकेको प्रष्टीकरण दिएका थिए । अब आइन्दा यो विषय दुवैले कतै पनि नउठाउने सहमतिमा दुवैले हस्ताक्षर गरेको उनले बताए ।
‘अदालतमै निरूपण भइसकेको विषयलाई अहिले आएर गलत नियतले उछाल्न खोजिएको छ,’ उनले भने ।
एक सहकर्मी महिलाले सुनवाइ समितिमा प्रधानविरुद्ध उजुरी गरेकी हुन् । प्रधानले आफूलाई यौन शोषण गरेको र पछि ठूलो रकम दिएर मिलापत्र गरेको उनको दाबी छ ।
आजको मुख्य सवाल जवाफमा पत्रकारहरूलाई बाहिर निकालिएको थियो । सञ्चारमाध्यममा समाचारहरू आएपछि अन्तिममा फेरि पत्रकारलाई प्रवेश दिइयो ।