सन्दीप-दीपेन्द्रको टीम भ्यानकुभरले उस्मान ख्वाजालाई दियो कप्तानी
नेपाल प्रेस
२०८१ साउन ११ गते ६:४४
काठमाडौं । क्यानाडाको फ्रेन्चाइज लिग ग्लोबल टी २० आजबाट सुरू भएको छ । यस प्रतियोगितामा नेपालका तीन खेलाडी सहभागी रहेका छन् ।
लिगमा नेपाली दुई स्टार सन्दीप लामिछाने र दीपेन्द्रसिंह ऐरी आवद्ध भ्यानकुभर नाइट्स पहिलो खेलमा पराजित भयो । नेपालकै रोहित पौडेल आवद्ध टोरन्टो नेसनल्सले भ्यानकुभरलाई हराएको हो ।
भ्यानकुभरले टीमको कप्तान अष्ट्रेलियन खेलाडी उस्मान ख्वाजालाई बनाएको छ । उनी भर्खरैमात्र टीममा आवद्ध भएका थिए ।
पाकिस्तानका मोहम्मद रिजवानले लिग खेल्न नपाएपछि उनको स्थानमा पाकिस्तानी मूलका उस्मानलाई भित्र्याइएको हो । यसअघि सन्दीपलाई कप्तानी दिने चर्चा चलेको थियो ।
नेपाल प्रेस
प्रकाशित: २०८१ साउन ११ गते ६:४४
प्रतिक्रिया
सम्बन्धित खवर
