माओवादीका मन्त्रीले राजीनामा दिने, सरकारलाई दिएको समर्थन भने तत्काल फिर्ता नलिने
![](https://www.nepalpress.com/wp-content/uploads/2020/11/nepalpress-logo-n.png)
![](https://www.nepalpress.com/wp-content/uploads/2024/07/koshi-maobadi-1.jpg)
विराटनगर। नेकपा माओवादी केन्द्रका प्रदेशसभा सदस्यहरूले कोशी प्रदेश सरकारलाई दिएको समर्थन तत्काल फिर्ता नलिने भएका छन् ।
सरकारमा रहेका मन्त्रीहरूले राजीनामा दिए पनि सरकारलाई दिएको समर्थन भने तत्काल फिर्ता नलिने माओवादीले जनाएको छ ।
माओवादी केन्द्र कोशी प्रदेश संसदीय दलले आयोजना गरेको पत्रकार सम्मेलनमा संसदीय दलका नेता इन्द्रबहादुर आङ्वोले सरकारलाई दिएको समर्थन भने तत्काल फिर्ता नलिने बताए ।
उनले भने, ‘मुख्यमन्त्रीले बाम एकता जोगाउँछु भन्नु भएको थियो । सोही अनुसार हामी सरकारमा बसेका थियौ । तर, सहमतिको सरकार गठन नहुने भएपछि सरकारबाट बाहिरिएका हौ ।’
उनले आजै सबै मन्त्रीहरूले राजीनामा दिने बताए । हाम्रा प्रदेशसभा सदस्यहरूको समर्थनमा संविधानको धारा १६८ (५) अन्तरगत यो सरकार बनेको छ ।
सरकारलाई दिएको समर्थन फिर्ता लिनका सबै प्रदेश सभा भेला हुन पर्छ त्यतिन्जेल सम्मका लागि समर्थन रहिरहन्छ ।