रुसमा ६० टनको फलामे पुल रातारात चोरेर कवाडीमा बिक्री

काठमाडौं । रुसमा ६० टनको एक फलामे पुल चोरी गरेर कवाडीलाई बिक्री भएको खुलेको छ ।

रुसी विश्व च्यानल आरटीका अनुसार रुसको पश्चिमी भागको सोभियत संघताका बनेको उक्त पुल चोरी गरेर बिक्री भएको हो ।

पुल चोरी भएको घटना स्थानीय अभियानकर्मी स्वेतलाना कोनोभालोभाले सबैभन्दा पहिलो पटक बुधवार जानकारी दिएकी थिइन् ।

सरकारी खोजका अनुसार पुललाई १५ हजार अमेरिकी डलरमा बिक्री गरिएको खुलेको छ ।

रुसको राजधानी मस्कोबाट २०० किलोमिटर दक्षिणपूर्वी क्षेत्रको रासन क्षेत्रको पुल चोरी भएको घटनालाई आपराधिक घटनाको रूपमा रुसी प्रहरीले अनुसन्धान गरिरहेको बताइएको छ ।