दाङमा रक्सीले मातेका व्यक्तिले गरे श्रीमतीको हत्या
नेपाल प्रेस
२०८१ साउन १४ गते १५:५८
रुपन्देही । दाङको राजपुर गाउँपालिकामा एक पुरुषले रडले हानेर श्रीमतीको हत्या गरेका छन् । राजपुर गाउँपालिका-१ रसरीखोला निवासी ३८ वर्षीय गणेश घर्तीले आइतबार राति मदिरा सेवन गरी आफ्नै श्रीमती ३६ वर्षीय वसन्ती घर्तीको हत्या गरेका हुन् ।
मदिराले लठ्ठिएका गणेशले टाउकोमा रडले हानेको इलाका प्रहरी कार्यालय गढवाका प्रहरी प्रमुख कालीका कार्कीले जानकारी दिइन् ।
प्रहरीका अनुसार श्रीमान्-श्रीमतीबीच पहिल्यैदेखि विवाद हुन्थ्यो । पटक-पटक स्थानीय र प्रहरीले विवाद मिलाएका थिए । आइतवार बेलुकी खाना खाएर सुतेको र सोमबार बिहान साढे ९ बजेसम्म ढोका नखुलेपछि स्थानीयले प्रहरीलाई खबर गरेका थिए ।
गणेश घटनास्थलबाटै पक्राउ परेका छन् ।
नेपाल प्रेस
प्रकाशित: २०८१ साउन १४ गते १५:५८
प्रतिक्रिया
सम्बन्धित खवर
