उपसभामुख जोडिएको प्रकरणमा कांग्रेसले माग्यो सभामुखको जवाफ (भिडिओ)

काठमाडौं । नेपाली कांग्रेसले उपसभामुख इन्दिरा राना मगर जोडिएको विषयमा सभामुख देवराज घिमिरेको ध्यानाकर्षण गराएको छ ।

प्रतिनिधि सभाको बैठकमा सांसद ईश्वरी न्याैपानेले उपसभामुखको विषयमा सभामुखको जवाफ मागेकी हुन् ।

उनले भनिन्, ‘उपसभामुखमाथि निकै चार्ज लागेको छ, ५ जना असम्बन्धितलाई व्यक्तिलाई पत्र सिफारिस गर्नेदेखि ५ जना बालिका लगेको कुरा पनि आएको छ । यो कुराबारे मानव तस्करीको गम्भिर आरोप लागेको छ । आरोप लाग्दैमा म सही हो पनि भन्दिनँ । तर, अन्त्यन्त गम्भीर आरोप लाग्दा जिम्मेवार पदमा बसेको व्यक्तिमाथि छानविन गर्न पाउन हक छ कि छैन । यो बिषयमा सभामुखको ध्यानाकर्षण गराउँछु ।’