माओवादीले बोलायो स्थायी कमिटी बैठक, प्रतिपक्षको भूमिका सशक्त निर्वाह गर्ने

काठमाडौं । नेकपा माओवादी केन्द्रले स्थायी कमिटीको बैठक बोलाएको छ । पार्टी मुख्यालयमा बसेको पदाधिकारी बैठकले साउन २५ गते स्थायी कमिटीको बैठक बस्ने निर्णय गरेको प्रवक्ता अग्निप्रसाद सापकोटाले बताए ।

पदाधिकारी बैठकले प्रमुख प्रतिपक्षको भूमिकालाई सशक्त रुपमा निर्वाह गर्ने निर्णय गरेकोसमेत उनले जानकारी दिए ।

स्थायी कमिटीलगत्तै केन्द्रीय कमिटीको बैठक बसेर सदन र सडकमा प्रतिपक्षको भूमिका खेल्ने माओवादीको तयारी छ ।