थुनुवाको उपचारका क्रममा मृत्यु

काठमाडौं । झापामा एक थुनुवाको उपचारका क्रममा मृत्यु भएको छ । प्रहरीका अनुसार झापाको मेचिनगर ७ पालिका टोलका झक बहादुर खड्काको मृत्यु भएको हो ।

लागूऔषध (खैरो हिरोइन) ५ ग्राम बरामद गरी आवश्यक कारबाहीका अदालतबाट ५ दिनको म्याद थप गरी अनुसन्धान भइरहेको थियो ।

बुधवार मध्यराति करिब पौने २ बजे स्वास्थ्य अवस्था असहज भएर आम्दा अस्पताल उपचारका लागि लगिएकोमा चिकित्सकले १:५५ बजे मृत घोषणा गरेका थिए ।

घटनाको सम्बन्धमा थप कानूनी प्रक्रिया भइरहेको प्रहरीले जनाएको छ ।