मिनभवन कलेजका प्राध्यापकको हत्यामा संलग्न रञ्जन १७ वर्षपछि पक्राउ (भिडियो)

काठमाडौं। मिनभवनस्थित नेपाल कमर्स क्याम्पसका प्राध्यापक धर्मराज विष्टको हत्यामा संलग्न भएको आरोप लागेका व्यक्ति पक्राउ परेका छन्।

काठमाडौं उपत्यका अपराध अनुसन्धान कार्यालयको टोलीले रन्जन खड्कालाई पक्राउ गरेको हो। उक्त घटनामा यसअघि विनोद थापा र सबिता थापा अधिकारीलाई पक्राउ गरेको थियो ।

विष्टको २०६४ असार २६ गते शंखमुलमा निर्घात कुटपिटबाट मृत्यु भएको थियो। सबितालाई जिस्काएको निहुँमा विष्टमाथि सांघातिक आक्रामण भएको थियो।

सबिता गत चैतमा पक्राउ परेकी थिइन्। विनोद भने १० वर्ष जेल बसेर २०७९ सालमा छुटेका थिए। हाल पक्राउ परेका रन्जन, विनोदका मामाका छोरा हुन्।

रन्जन लामो समयदेखि भारतमा लुकेर बस्दै आएको काठमाडौं उपत्यका अपराध अनुसन्धान कार्यालयका प्रमुख सानुराम भट्टराईले जानकारी दिए।