राहदानी र कन्सुलर विभागको निरीक्षणमा पुगिन् परराष्ट्रमन्त्री आरजु (भिडिओ)

काठमाडौं । परराष्ट्रमन्त्री आरजु राणा देउवाले राहदानी र कन्सुलर विभागको निरीक्षण गरेकी छन् ।

बुधबार त्रिपुरेश्वरस्थित विभागको कार्यालय पुगेर स्थलगत निरीक्षण गर्दै उनले वस्तुस्थितिका बारेमा जानकारी लिइन् । सो क्रममा उहाले केहीबेर सेवाग्राहीसँग कुराकानी पनि गरिन् ।

कर्मचारीसँग विभागको सेवा प्रवाहका बारेमा जानकारी लिएपछि मन्त्री राणाले सेवाग्रहीलाई सहज रूपमा सेवा प्रवाह गर्न निर्देशन दिएकी थिइन् । त्यस्तै उनले सरकारमा निकै अनुभवी पार्टीहरु रहेकाले स्टन्ड गर्नुपर्ने कुनै आवश्यकता नरहेको पनि बताइन् ।

मन्त्री राणाले जनताको सेवा प्रवाहमा सरकारको ध्यान केन्द्रित रहेको जिकिर गरिन् । विभागको सेवा प्रवाहलाई सहज गर्न देखिएका समस्या समाधानका लागि आफू प्रतिवद्ध रहेको उनले आश्वस्त पारिन् ।