‘बिस्ताराले पोल्यो’ गीत विवादमा, गायिका शान्तिश्रीले मागिन माफी

काठमाडौं । ५ दिन अघि मात्रै सार्वजनिक भएको ‘बिस्ताराले पोल्यो’ गीत विवादमा परेको छ । पछिल्लो समयकी चर्चित गायिका शान्तिश्री परियार र गायक हरि गिरी विमर्शीको स्वरमा रहेको उक्त गित विवादमा परेको हो ।

गीत विवादमा परेपछि राष्ट्रिय लोक तथा दोहोरी गित प्रतिष्ठानकी सदस्य समेत रहेकी उक्त गीतकी गायिका शान्तिश्री परियारले बुधबार एक विज्ञप्ती जारी गर्दै माफी मागेकी छन् ।

उनले जारी गरेको विज्ञप्तीमा भनिएको छ, ‘यो गीत तीज विशेष, लोक तथा दाहोरी कुनै पनि विधा अन्तरतगको नभएता पनि उक्त गीतको भिडियोमा केहि दृश्यको कारण दर्शक, स्रोताको मनोभावना तथा सामाजिक परिप्रेक्षमा नकारात्मक असर परेको र त्यसै कारण सामाजिक सञ्जालमा धेरै नकारात्मक टिका टिप्पणी आइरहेको हुँदा म लोक तथा दाहोरी गीत प्रतिठान नेपालको केन्द्रीय सदस्यको नताले म सँग सम्बन्धित गतीले प्रतिष्ठानको प्रतिष्ठाप्रति र आदरणीय शुभचिन्तक प्रति आँच पुग्न गएको आभाव भएको हुदाँ क्षमाप्राथी छु । साथै आगामी दिनमा शब्द संगीत छनौट गरी गाउने वाचा गर्दछु । यस विचमा हजुरले म प्रति देखाउनुभएको सदासयता, माया तथा शुभन्तिा प्रति हार्दिक धन्यवाद दिन चाहान्छु ।’

उक्त गीतमा गायक गिरीकै लिरिक्स र म्यूजिक रहेको छ भने म्यूजिक भिडियोमा पछिल्लो समय चर्चामा रहेकी मोडल सञ्चिता बोलाखे र रमेश विश्वकर्माको अभियन रहेको छ । हरि गिरी बिमर्शीको आफ्नै यूट्युवबाट ५ दिन अघि सार्वजनिक भएको गीतलाई अहिलेसम्म साढे ४ लाख भन्दा बढी दर्शकले हेरिसकेका छन् । उक्त गीतका साना–साना क्लिप अहिले सामाजिक सञ्जालमा भाइरल छन् ।

राष्ट्रिय लोक सञ्चारकर्मी नेपालले त केहि दिन अघि नै एक विज्ञप्ती नै जारी गरेर ‘बिस्ताराले पोल्यो’ लगायतका ५ गीतले तीजको मौलिक परम्परा माथि प्रहार गरेको र धर्म, संस्कृति र सिङ्गो संगीत क्षेत्रलाई ठुलो क्षति पु¥याउने देखिएको भन्दै प्रतिबन्ध नै लगाइसकेको छ । उसले आगामी तीजलाई लक्षित गर्दै बजारमा ल्याइएका ‘दिउँला बरिलै’, ‘मादलु घन्काउँदै’, ‘टिकटकमा भाइरल हल्लाएरै’, ‘बिस्ताराले पोल्यो’, ‘चियर्स बियर’ बोलका ५ गीतमाथि प्रतिबन्ध लगाएको हो ।