गायिका सुनितामी परियारको नयाँ तीज गीत ‘सात भाइकी चेली’ सार्वजनिक (भिडियो)

काठमाडौं । गायिका सुनितामी परियारको नयाँ तीज गीत ‘सात भाइकी चेली’ सार्वजनिक भएको छ । सुनितामी परियार युट्युब च्यानलबाट सार्वजनिक भएको सुनितामी परियारको यो वर्षको तीज गीतमा चर्चिच लोक तथा दोहोरी गायक राजु परियार, बद्री पंगेनी, पशुपति शर्मा, सूर्य खड्का, विशाल रायमाझी, अर्जुन सापकोटा र मोहन परियारले आवाज रहेको छ भने स्वयम गायिका सुनितामीको स्वर पनि रहेको छ । गायक मोहन परियार सुनितामीको सहोदर भाई हुन् ।

यो गीतको संगीत गायिका सुनितामी आफैले गरेकी छ्न भने शब्द शिव हमाल र एरेन्ज विश्वास नेपालको रहेको छ । गीतको निर्देशक जेरी भण्डारीले गरेका हुन् । भिडियोमा गायक राजु परियार, बद्री पंगेनी, पशुपति शर्मा, सुर्य खड्का, बिशाल रायमाझी, अर्जुन सापकोटा, मोहन परियार, भेष केसी, संगम शर्मा र गायिका सुनितामी परियार र संगिता परियारको अभिनय रहेको छ ।

लुम्बिनी प्रदेशका जिल्लामा परापूर्वकालदेखि तीज मनाईने परिवेशलाई समेटेर बनाईएको म्युजिक भिडियोमा बजारमा निस्किएका अन्य गीत भन्दा अलि फरक किसिमले हाम्रो नेपाली मौलिकतालाई समेटिएको गायिका सुनिताले बताईन । अर्घाखाँची स्थायी घर भएकी उनले अहिले काठमाडौंमा गीत संगीतमा लागेर राष्ट्रिय तथा अन्तराष्ट्रिय क्षेत्रमा आफूलाई परिचित बनाइसकेकी छन् ।

गायिका सुनितामीको गत वर्ष २०८० सालमा चर्चामा आएको तीज गीत ‘सिक्री घाँटीमा’ गीतले चर्चा पाएको थियो । सात भाइकी चेली गीतलाई पनि यस वर्ष धेरै दर्शक स्रोताले मन पराउनेमा आफू पूर्ण विस्वस्त रहेको गायिका सुनितामीको अपेक्षा छ ।