रास्वपाको दुई दिने कार्यशाला सुरू, छलफलका लागि ६ समूहमा विभाजन
नेपाल प्रेस
२०८१ साउन १८ गते ११:४१
काठमाडौं । राष्ट्रिय स्वतन्त्र पार्टीको दुई दिने बन्द कार्यशाला सुरु भएको छ । पार्टीको केन्द्रीय कार्यालय चःमति, वनस्थलीमा कार्यशाला अहिले चलिरहेको छ ।
पार्टीको रणनीति तयारीमा केन्द्रित कार्यशालामा केन्द्रीय पदाधिकारी, सदस्य र केन्द्रीय विभागका गरी ५० जना सहभागी रहेको प्रवक्ता मनिष झाले बताए ।
कार्यशालामा विचार, संगठन, मूल्य-मान्यता, संसदीय मामिला, लिडरसिप एकेडेमी र क्यान्डिडेट क्लब तथा पार्टी अभियानबारे छलफल चलिरहेको बताए।
बन्द कार्यशालामा विषयगत छलफलका लागि ६ वटा समूह विभाजन गरिएको छ ।
कार्यशाला अन्तर्गत केन्द्रीय समितिका सदस्यहरूले बुझाएको कार्ययोजना/सुझाव अध्ययनको सभापति रवि लामिछाने र उपसभापतिद्वय डीपी अर्याल र डा. स्वर्णिम वाग्लेले अध्ययन गर्नेछन् ।
नेपाल प्रेस
प्रकाशित: २०८१ साउन १८ गते ११:४१
प्रतिक्रिया
सम्बन्धित खवर
