काभा वुमन्स भलिबल: नेपाल इरानसँग पराजित (भिडिओ)

काठमाडौं । काभा वुमन्स नेसन्स लिग भलिबलमा नेपाल इरानसँग पराजित भएको छ । त्रिपुरेश्वरस्थित राष्ट्रिय खेलकुद परिषद्को कभर्डहलमा आज भएको खेलमा नेपाल इरानसँग ३-२ सेटमा पराजित भएको हो ।

पहिलो सेट १६-२५ ले गुमाएको नेपालले दोस्रो सेटमा पुनरागमन गर्दै २५-१६ ले जीत हासिल गरेको थियो । तेस्रो सेट १७-२५ ले गुमाएको नेपालले चौथो सेट २५-१५ मा जीत निकाल्दै खेल पाँचौं सेटमा धकेलिएको थियो ।

पाँचौं सेटमा १३-१५ ले गुमाउँदै नेपाल इरानसँग पराजित हुन पुग्यो । यसअघि शनिबार भएको खेलमा नेपालले भारतलाई ३-२ सेटले पराजित गरेको थियो ।