सभापति पोखरेलमाथि प्रश्न उठाउँदै माओवादीले माग्यो सार्वजनिक लेखा समितिको नेतृत्व (भिडिओ)

काठमाडौं । नेकपा माओवादी केन्द्रले सार्वजनिक लेखा समितिका सभापति ऋषिकेश पोखरेलमाथि प्रश्न उठाएको छ । प्रतिनिधिसभाको बैठकमा बोल्दै माओवादी सांसद माधव सापकोटाले सभापति पोखरेल यसअघिको निर्णय उल्ट्याउने प्रयासमा रहेको बताए ।

उनले भने, ‘सार्वजनिक लेखा समितिका सभापतिले उपसमितिले दिएको स्पष्ट निर्णय कार्यान्वयन गराउनुपर्ने हो, तर सबै निर्णयहरुलाई लत्याएर अनावश्यक रुपमा निर्णय उल्ट्याउने उद्देश्यका साथ अनैतिक छलफल गरिराख्नुभएको छ । बक्यौता तिर्न बाँकी उद्योगीसँग उहाँले रहस्यय भेट गर्नुभयो । भिभान्त होटेल कुनै सरकारी कार्यालय हो ? लेखा समितिलाई सिंहदरबारमा कार्यालय छुट्याइएको छ । उहाँले होटेललाई कहिलेदेखि कार्यालय बनाउनुभयो !’

उनले सभापतिको विषयमा उठेको प्रश्नबारे सभामुख र सदनको पनि ध्यानाकर्षण गराए ।

उनले भने, ‘संसदीय लेखा समिति विपक्षी दलको हुन्छ, यसले पारदर्शी काम गर्छ भने सार्वजनिक लेखा समितिको सभापति तत्काल प्रतिपक्षलाई दिइयोस् ।