बंगलादेशी प्रधानमन्त्री शेख हसिनाले राजीनामा दिने संकेत

काठमाडौं । बंगलादेशमा बढ्दो आन्दोलनका दौरान प्रधानमन्त्री शेख हसिनाले राजीनामा दिने संकेत उनका स्वकीय सहयोगीले गरेका छन् ।

फ्रान्सेली समाचार एजेन्सी एपीएफसँग कुरा गर्दै हसिनाका स्वकीय सहयोगीले यस्तो भनेको भारतीय अखबार इकोनोमिक टाइम्सले उल्लेख गरेको छ ।

इकोनोमिक टाइम्सका अनुसार आज उनले यस्तो बताएका हुन् । स्वकीय सचिवले नाम नभनि भनेका छन्, ‘राजीनामा पनि एक सम्भावना छ तर कसरी हुन्छ भन्ने हो ।’ गत जुलाई १५ बाट प्रदर्शन भएको बंगलादेशमा तीन सय हाराहारीको मृत्यु भइसकेको छ । आइतबार मात्रै ९० जनाको प्रहरी गोली लागेर मृत्यु भएको थियो ।

बंगलादेशमा भित्रभित्रै भने हसिनाले राजीनामा दिएको चर्चा सुरु भएको छ । हसिनासहित ३५ सदस्य क्याबिनेटले राजीनामा दिएको तथा बंगलादेशी सेनाले तीन महिना भित्र चुनाव गर्ने चर्चा भित्रभित्रै चुलिएको बंगलादेशी वृत्तमा चर्चा चुलिएको छ ।