नागरिकको सुरक्षा गर्न नसक्ने कस्तो कमजोर दुई तिहाइको सरकार ? : सांसद खनाल (भिडिओ)

काठमाडौं । रास्वपा सांसद शिशिर खनालले केपी शर्मा ओली नेतृत्वको सरकारले विधि नमानेको टिप्पणी गरेका छन् । प्रतिनिधिसभाको बैठकमा बोल्दै उनले सरकार नागरिकको सुरक्षा गर्न असफल भएकाे जिकिर गरे ।

उनले भने, ‘दुई महिना अगाडि मन्त्रिपरिषद्ले केही राजदूतलाई फिर्ता बोलायो, उक्त गठबन्धनको प्रमुख अंशियारसहित बनेको यो सरकारले फिर्ता बोलाइसकेका एक राजदूतलाई राजदूत नियुक्तसम्बन्धी निर्देशिकाको दफा २१ को नियमविपरीत फेरि नियुक्त गरेको छ ।’

सांसद खनालले विधि मान्नु नपर्ने, नागरिकको सुरक्षा गर्न नसक्ने कस्तो कमजोर दुई तिहाइको सरकार भन्दै प्रश्न गरे ।