नेपालले काभा वुमन्स नेसन्स लिगको सेमिफाइनलमा इरानसँग खेल्ने

काठमाडौं। नेपालले घरेलु मैदानमा जारी काभा वुमन्स नेसन्स लिग भलिबलको सेमिफाइनलमा इरानसँग खेल्ने भएको छ। लिग चरणको सोमबारको खेलमा मालदिभ्सलाई सोझो सेटमा हराएर नेपालले इरानसँगको भिडन्त तय गरेको हो।

नेपालले मालदिभ्सलाई २५-८,२५-१९ र २५-१८ को सोझो सेटमा हराए। नेपालले लिग चरणमा श्रीलंका र भारतलाई हराएको थियो भने इरानसँग हार ब्यहोरेको थियो। अर्को सेमिफाइनलमा भारतले श्रीलंकासँग खेल्ने छ।