दोस्रो सेटमा नेपालको शानदार पुनरागमन, फाइनल पुग्न अब एक सेट आवश्यक

काठमाडौं । काभा वुमन्स नेसन्स लिग भलिबलको सेमिफाइनलमा अहिले इरानसँग खेलिरहेको नेपालले लगातार दुई सेट जितेको छ । दशरथ रंगशालामा भइरहेको खेलमा नेपालले दोस्रो सेट २८–२६ ले जित्यो ।

कुनै समय नेपाल २१–२४ ले पछाडि थियो । तर उषा भण्डारीले लगातार तीन अंक ल्याएर नेपाललाई खेलमा फर्काएकी थिइन् । पहिलो सेट नेपालले २५–२१ ले जितेको थियो ।

बेस्ट अफ फाइभका आधारमा विजेता फाइनल पुग्ने छ । यसअघि पहिलो सेमिफाइनलमा श्रीलंकालाई हराएर भारतले फाइनल यात्रा तय गरेको थियो ।