अधिक तरलता भएपछि राष्ट्र बैंकले आज ४० अर्ब उठाउँदै

काठमाडौं । बैकिङ प्रणालीमा अधिक तरलता भएपछि आज नेपाल राष्ट्र बैंकले ४० अ र्ब रुपैयाँ उठाउँदै छ । निक्षेप संकलन उपकरण मार्फत उठाउन लागिएको ४० अर्बका लागि आज ३ बजेसम्म बोलकबोल हुनेछ ।

२१ दिनका लागि उठाउन लागिएको निक्षेपको साँवा ब्याज भुक्तानी आगामी भदौ १२ गते हुनेछ । यो निक्षेपमा घटीमा १० करोड र बढीमा ५ करोड रुपैयाँले भाग गर्दा निःशेष भाग जाने गरी कुल आव्हान रकमसम्म आव्हान गर्न सक्नेछ ।

यो निक्षेप बैंक तथा वित्तीय संस्थामा निक्षेपको रूपमा समेत प्रयोग गर्न सकिनेछ ।

निक्षेप संकलनको लागि आव्हान गरिएको रकम बाँडफाँड गर्दा बोलबमोजिम सबैभन्दा कम ब्याजदरलाई पहिलो प्राथमिकता क्रममा राखी आव्हान गरेको रकमसम्म क्रमशः बाँडफाँड गरिने बैंकले जनाएको छ ।