पूर्वमन्त्री र ‘सक्किगोनी’ का कलाकारसहित ९ जना पक्राउ, १६ बुक तास बरामद
नेपाल प्रेस
२०८१ साउन २७ गते १६:०३
काठमाडौं । तास खेलिरहेको अवस्थामा प्रहरीले शनिबार काठमाडौंबाट कोशी प्रदेशका मन्त्री र कलाकारसहित ९ जनालाई पक्राउ गरेको छ । काठमाडौं प्रहरी परिसरको टोलीले गौरीघाटमा तास खेलिरहेको सूचनाका आधारमा छापा मारेको थियो ।
पक्राउ पर्नेमा कोशी प्रदेशका पूर्वमन्त्री बुद्धीकुमार राजभन्डारी र कलाकार पुरुषोत्तम शर्मासहित ९ जना छन् । शर्मा टेली शृंखला ‘सक्किगोनी’ का कलाकार हुन् ।
सोलुखुम्बुको सोताङ गाउँपालिकाका पूर्वअध्यक्ष वीरबहादुर तामाङ पनि पक्राउ परेका छन् ।
जुवाखालबाट करिब एक लाख ५० हजार रूपैयाँ नगद र १६ बुक तास बरामद गरेको छ । गौशाला प्रहरी वृत्तले थप अनुसन्धान गरिरहेको छ ।
नेपाल प्रेस
प्रकाशित: २०८१ साउन २७ गते १६:०३
प्रतिक्रिया
सम्बन्धित खवर
