नेपालको हवाई क्षेत्रमा गम्भीर समस्या देखियो, तत्काल समाधान पर्नुपर्छ : सांसद गौतम (भिडिओ)

काठमाडौं । राष्ट्रिय स्वतन्त्र पार्टीकी सांसद सोविता गौतमले नेपालको हवाई क्षेत्रमा गम्भीर समस्या देखिएको बताएकी छन् । प्रतिनिधि सभाको बैठकमा बोल्दै हवाइ क्षेत्रमा देखिएको समस्या तत्काल समाधान गर्न सरकारलाई ध्यानाकर्षण गराइन् ।

उनले भनिन् ‘हवाई दुर्घटनाको विषय आजसहित छैटौँ पटक उठान गरिरहेको छु । नेपालको हवाई क्षेत्रमा गम्भीर समस्या देखिएको छ । नेपालको हवाई क्षेत्रलाई सुरक्षित बनाउनको लागि नागरिक उड्डयन प्राधिकरणलाई सेवाप्रदायक र नियामक निकायमा अहिले छुट्याउने र त्यो विधेयक कहिले संसदमा लिएर आउनुहुन्छ । सरकारमा पर्यटनमन्त्री पटक-पटक फेरिनु भयो तर विधेयक संसदमा आएको छैन । यति एयरलाइन्स दुर्घटनाको अडियो सार्वजनिक भएको छ । त्यसमा प्रस्टसँग सुन्न सकिन्छ । लापरबाही भएको छ ।’

हवाई यात्रामा कति यात्रुहरूले ज्यान गुमाउनुपरेको भन्दै नेपालको नियामक निकायको नियमन फेल भएको प्रष्ट देखिएको बताइन् ।