नेपाल लिग च्याम्पियन चर्च ब्वाइज भुटानको पारो एफसीसँग पराजित

काठमाडौं । एएफसी च्यालेन्ज लिग छनोटअन्तर्गतको नेपालको चर्च ब्वाइज युनाइटेड भुटानको पारो एफसीसँग पराजित भएको छ । दशरथ रंगशालामा भएको खेलमा पारो एफसीले चर्च ब्वाइजलाई २-१ गोलले पराजित गरेको हो ।

पहिलो हाफको ३८ औं मिनेटमा गोल गर्दै अग्रता लिएको चर्च ब्वाइजले त्यसको २ मिनेट गोल खान पुगेको थियो । चर्च ब्वाइजका लाकेन लिम्बूको अग्रता ४०औं मिनेटमा पारो एफसीका किंग्मा वाङचुकले बराबर गोल फर्काएका थिए ।

खेलको ६६औं मिनेटमा पारो एफसीका विलियम ओपोकु ओसिइदुले गोल गर्दै पारो एफसीले २–१ को अग्रता दिलाएका थिए । त्यसपछि दुवैतर्फबाट गोल हुन सकेन र पारो एफसी विजयी भयो ।