पेरिस र काठमाडौंबाट गएको टोलीको पोर्चुगलमा राहदानी शिविर, ३८ सय बढी नवीकरण
नेपाल प्रेस
२०८१ साउन ३० गते ८:५१
काठमाडौं । ५० हजार बढी नेपाली बसोबास गरेको पोर्चुगलमा नेपाल सरकारले घुम्ती राहदानी शिविर सञ्चालन गरेको छ ।
गत अगस्ट २ बाट १३ सम्म राजधानी लिस्बनमा भएको शिविरमा परराष्ट्र मन्त्रालय काठमाडौं र फ्रान्सको पेरिस्थित नेपाली राजदूतावास कार्यालयबाट गएको टोलीले शिविर सञ्चालन गरेको परराष्ट्र मन्त्रालयले जानकारी दिएको छ ।
नाबालक, नवीकरण र हराएका गरेर ३८२९ राहदानी नवीकरण भएको छ । त्यसबाट ४ लाख ९१ हजार ५८० राजस्व उठेको छ ।
पछिल्लो समयमा युरोप छिर्ने गेट वेको रूपमा नेपालीहरू पोर्चुगल ठूलो सङ्ख्यामा गएका छन्। तर, नेपाली राजदूतावास खोल्ने निर्णय भने हालसालै मात्र भएको हो ।
२०८० कात्तिक २३ गते नेपालले पोर्चुगलमा दूतावास खोल्ने निर्णय गरेको छ ।
नेपाल प्रेस
प्रकाशित: २०८१ साउन ३० गते ८:५१
प्रतिक्रिया
सम्बन्धित खवर
