बंगलादेशको प्रेस क्लबमा लुटपाट र कुटपिट, २० पत्रकार घाइते

काठमाडौं । बंगलादेशमा भएको हिंसा अब पत्रकारमा पनि सर्न थालेको छ । बंगलादेशको चित्तगोङ प्रेस क्लमा आक्रमण भएको छ । आक्रमणमा परेर २० पत्रकारहरु घाइते भएको बंगलादेशी अखबार डेली स्टारले उल्लेख गरेको छ ।

घाइते हुनेहरुमा पत्रकारहरु निर्मल चन्द्र दाश, गोलान मोर्तुजा अली, हेलाल सिक्दर जस्ता वरिष्ठ पत्रकारहरु भएको समाचारमा बताइएको छ । प्रेस क्लब भएको चौँथो तलाको गोट तोडेर आक्रमणकारीहरु छिरेका र कुटपिट तथा लुटपाट भएको डेली स्टारले बताएको छ ।

आक्रमण बुधबार साँझ भएको बताइएको छ । प्रेस क्लबका सभापति सलाउदिन रेजाले ४० जना हाराहारीको समुहमा आएकाहरुले प्रेस क्लबमा छिरेर आक्रमण गरेको बताएका छन् । सभापति रेजाले आक्रमण गर्नेहरुमा बीएनपी पार्टीका नेताका सहयोगी भएको बताइएको छ । आक्रमणको जानकारी पाएपछि बंगलादेशी सेनाले पत्रकारहरुको उद्धार गरेको बताइएको छ ।