शान्त बन्दै गठ्ठाघर, सडकबाट उठाइयो शव

काठमाडौं । भक्तपुरको गठ्ठाघरमा दुर्घटना परी मृत्यु भएकी स्कुटरमा सवार महिलाकाे शव उठाइएकाे छ । ट्रकको ठक्करबाट स्कुटरमा सवार एक महिलाको मृत्यु भएकाे थियाे । दिनभर तनावग्रस्त बनेकाे गठ्ठाघरमा शव उठाइएपछि  शान्त बन्दै गएकाे छ ।

महिलाकाे मृत्यु भएपछि स्थानीयले केहीबेर ट्राफिक प्रहरीविरुद्ध नाराबाजी गरेका थिए ।

ट्राफिक प्रहरीको कारण महिलाको मृत्यु भएको भन्दै स्थानीयहरुले ट्राफिक प्रहरीविरुद्ध प्रदर्शन गरेका थिए ।

आक्रोशित स्थानीयले ट्रकको ठक्करबाट मृत्यु भएको महिलाको शव उठाउन दिएका थिएनन । शवबहान आएपनि स्थानीयले प्रदर्शन गरेपछि केहीबेर प्रहरी र स्थानीयको घम्साघम्सी भएको थियो ।

प्रहरीले सहजीकरण गरिदिएपछि शव शववहानमा पठाएको छ ।

.