सुरु भयो ला लिगा : पहिलो दिन दुबै खेल बराबरीमा टुंगिए

हेटौँडा । स्पेनिस ला लिगाको २०२४-०२५ सिजन बिहीबार रातिदेखि सुरुवात भएको छ । बिहीबार रातिबाट सुरु भएको छ र पहिलो दिनका दुवै खेल बराबरीमा टुङ्गिएका छन् ।

पहिलो खेलमा एथलेटिको बिल्बाओ र गेटाफेले १–१ को बराबरी खेलेका छन् भने जिरोना र रियल बोटिसले पनि अङ्क बाढेका छन् ।

प्रतियोगिताको २७ औँ मिनेटमा ओहन सासेटको गोलले बिल्बाओले २७ औँ मिनेटमा अग्रता लिएको थियो । तर दोस्रो हाफको ६४ औँ मिनेटमा क्रिससान्टोस उचेले गेटाफेको लागि बराबरी गोल गरे ।

यस्तै अर्को खेलमा मार्क बारट्राले छैटौँ मिनेटमा गोल गर्दै बेटिसलाई सुरुआती अग्रता दिलाएका थिए । ग्याब्रिएल मिसहोयले ७२ औँ मिनेटमा जिरोनाका लागि बराबरी गोल फर्काए र दुवै टिमले एक-एक अंक बाढे ।

ला लिगामा आज एउटा खेल हुँदै छ । आज राती १०:३० मा अल्भासले सेल्टभिगोको सामना गर्नेछ ।