एम्बाप्पेविनाको पिएसजीको फराकिलो जित

काठमाडौं । सात वर्षपछि आफ्नो पूर्व स्टार खेलाडी केलियन एम्बाप्पे विना मैदानमा उत्रिएको पेरिस सेन्ट जर्मेन (पिएसजी)ले फ्रेन्च लिग वान फुटबलको नयाँ सिजनमा फराकिलो जित हासिल गरेको छ ।

गएराति भएको यस सिजनको पहिलो खेलमा हार्भेलाई ४–१ गोल अन्तरले हराउँदै पीएसजीले आफूहरु एम्बाप्पे विना पनि उत्तिकै लयमा छौं भन्ने सन्देश दिएको छ ।

पीएसजीका लागि ली कांग इन, ओसुमान डेम्बेले, ब्राडली बार्कोला र रांडल कोलो मुआनीले एक–एक गोल गरेका थिए । यस्तै, ले हार्भेका लागि गाउटियर लिओरिसले एक गोल फर्काएका थिए ।

यसै सिजनबाट पिएसजीका पुर्व स्टार एम्बाप्पे स्पेनिस क्लब रियल मड्रिड गएका छ्न् ।