जनार्दनसँग खुमलटार वार्तापछि प्रचण्डले भने- केही आशंका थिए, पार्टी नफुट्ने सुनिश्चित भइसक्यो

काठमाडौं । नेकपा माओवादी केन्द्रका अध्यक्ष पुष्पकमल दाहाल प्रचण्डले उपमहासचिव जनार्दन शर्मासँग भेट गरेका छन्।

शर्माले पार्टी बैठकमा अध्यक्षको विकल्प खोज्नुपर्ने सहितको लिखित असहमति पार्टी बैठकमा राखेपछि माओवादीमा वृत्त तरंगित थियो। तर, शर्माले खुमलटारबाटै आफूले पार्टी फुटाएर एमालेमा जाँदैछ भनेर हल्ला चलाइएको भन्दै चर्को असन्तुष्टि जनाएका थिए।

तर, स्थायी कमिटीको बैठक सकिएसँगै पार्टी नफुट्ने सुनिश्चित भएको प्रचण्डले बताए। पोस्ट बहादुर बोगटीको स्मृतिमा आयोजित कार्यक्रमलाई सम्बोधन गर्दै आज बिहानपछि खुमलटारमा उपमहासचिव शर्मासँग छलफल भएको बताउँदै पार्टी फुट्दैछ भन्ने भ्रम नपाल्न नेता कार्यकर्तालाई अपिल गरे।

त्यसबारे उनको भनाइ जस्ताको तस्तैः

हाम्रो पार्टीभित्र वैचारिक अस्पष्टताको समस्या, संगठनात्मक अराजकता, निराशा र कुण्ठा, विचलनको समस्या देखिएको छ। त्यसलाई समीक्षा गरेर पार्टी निर्वाचनमा जानुपर्छ। हामीले पदाधिकारी बैठकमा पनि मैले सबैलाई खुलेर कुरा राख्न भने, साथीहरुले दुई घण्टासम्म बोल्नुभयो। त्यो कुरा समस्या समाधान गर्ने उद्देश्यका साथ राखौं भनेको थिए। स्थायी समिति बैठकमा केही कमरेडले भिन्न ढङ्गले कुरा राख्नुभएको थियो।
कमरेड जनार्दन शर्माले लिखित रूपमा उहाँले त्यहाँ फरक मत भनेर लेखिएको पनि छैन।

उहाँले आफ्नो मतको रूपमा व्याख्या गर्दै अरूले मुखले भनेको तर आफूले लेखेर ल्याएको भन्नुभयो। तर, त्यो बाहिर जाँदा बाहिर जाँदा तरङ्ग र आशङ्का पैदा भयो। तर, स्थायी अन्त्यसम्म आइपुग्दा हामीले त्यसलाई मुख्य रूपमा सम्बोधन गर्यौं। प्रभाकरले पार्टी फुटाउन खोजेका छन् भनेर लिडरसिपले कहिले भनेको थिएन। तर विभिन्न मानिसहरूले आएर सुनाउँथे पार्टी फुट्दै छ फुटाउँदै छन्, विभिन्न तत्त्व मिलेका छन्। भनेर सुनाउने भनेर सुनाउने गरेका थिए। त्यसले यदाकदा के भयो भन्ने भएकै थियो।

तर, बैठक अन्त्यसम्म जनार्दन शर्माको पार्टी फुटाउने कुनै उद्देश्य पनि छैन, नियत पनि छैन त्यो होइन भनेर उहाँले प्रष्ट पार्नुभयो। र हामी सबै क्लियर भएका छौं। म पनि जनार्दनले पार्टी फुटाउन खोज्यो भन्ने कसैलाई आशङ्का छ भने त्यसबाट मुक्त हुन अपिल गर्न चाहन्छु। पार्टी फुट्दैन त्यो सुनिश्चिता भएको छ, मैले लिए पनि त्यो निराधार हो भन्ने चाहन्छु।

आज बिहान पनि जनार्दन शर्मा खुमलटार आउनुभएको थियो अब त्यो आशंका गर्यौं भन्दैमा अब त्यो हामीले दिमागमा राख्नु परेन। तर, केही बिषयमा उहाँले गम्भिर आशंकाको कुरा छन्। ती आशंकाको बारेमा पनि स्थायी कमिटीको बैठकको अम्तिमसम्म आइपुग्दा क्लियर भइसकेको छ।