बिन्ती कुमार र शान्तिश्री परियारको ‘घुम्दै घुम्दै आको’ को भिडिओ सार्वजनिक

काठमाडौं । शान्तिश्री परियार र बिन्तीकुमार गुरुङको स्वर रहेको ‘घुम्दै घुम्दै आको’ बोलको गीतको भिडिओ रिलिज गरिएको छ ।

गायक स्वयमकै शब्द, संगीत तथा लयमा तयार उक्त गीतको भिडिओ अमेरिकामा नै रोधीं घरको अवधारणा तयार पारेर गायक गुरुङले भर्जिनिया राज्यमा नै छायांकन गरिएको छ । गीतमा चुनु गुरुङ र गायक बिन्तीकुमारसँगै अलावा तमु धीँ भर्जिनियाका गुरुङ दाजुभाइ तथा दिदी बहिनीको मौलिक भेषभुषामा सजिएको अभिनय देख्न सकिन्छ ।

गीतको एरेन्ज, मिक्सिङ तथा मास्टरिङ तेजेन्द्र गुरुङले गरेका हुन् भने भिडिओको छायांकन अनिश खासा (निरेश) र मनिश मर्हजनले गरेका हुन् । गायक गुरुङकै अफिसियल च्यानल जस्मिन क्रियशनबाट रिलिज गरिएको भिडिओको सम्पादन तथा निर्देशन सुगन्ध श्रेष्ठले गरेका छन् ।