जर्मनीका गोलकिपर नेउरको संन्यास

हेटौँडा । जर्मनीका गोलकिपर म्यानुअल नेउरले अन्तर्राष्ट्रिय फुटबलबाट संन्यास लिएका छन् । विश्व चर्चित गोलकिपर नेउरको यो निर्णयसँगै अब उनले क्लब फुटबल मात्र खेल्नेछन् ।

बार्यन म्युनिखका गोलकिपर नेउरले बुधवार एक भिडियो सन्देश जारी गर्दै नेउरले यो निर्णय गर्न आफूलाई निकै मुस्किल भएको बताउँदै अन्तर्राष्ट्रिय खेलबाट संन्यास लिएको घोषणा गरेका हुन् ।

युरो कपपछि संन्यास लिने नेउर जर्मनीको चौथो खेलाडी हुन् । यसअघि अघिल्लो महिना सम्पन्न युरो कपपछि थोमस मुलर, टोनी क्रुज र इल्के गुण्डोगनले अन्तर्राष्ट्रिय खेलबाट संन्यास लिएका थिए ।

३८ वर्षीय नेउरले जर्मनीका लागि २००९ मा डेब्यू गरेर अहिलेसम्म १२४ खेल खेलेका छन् । जर्मनीले २०१४ को विश्वकप जित्दाका उनी महत्त्वपूर्ण सदस्य थिए ।