त्रिवि पदाधिकारीलाई धम्की दिएको आरोप खेपिरहेका रावलको दाबी- शिक्षालयमा कम्युनिस्टकरण हुँदैछ

काठमाडौं । समाजशास्त्र विभागको प्रमुख नियुक्तिलाई लिएर त्रिभुवन विश्वविद्यालयका पदाधिकारीहरूलाई धम्की दिएको आरोप खेपिरहेका नेविसंघ त्रिविका नेता योगेन्द्र रावलले शिक्षालयहरूलाई कम्युनिष्टकरण गर्न खोजिएको उल्टो आरोप लगाएका छन् ।

बाजुराका कांग्रेस महासमिति सदस्य समेत रहेका रावलले बिहीबार वक्तव्य जारी गर्दै शिक्षामन्त्री विद्या भट्टराई र त्रिवि शिक्षाध्यक्ष खड्ग केसीको सेटिङमा आफ्ना कार्यकर्ता भर्ती गर्न खोज्दा आफूहरूले रोकेको दाबी गरेका छन् ।

रावलले शिक्षामन्त्री भट्टराईको निर्देशनमा शिक्षाध्यक्ष केसीले प्रधानमन्त्री केपी शर्मा ओलीका पूर्व प्रेस सल्लाहकार कुन्दन अर्याललाई बोलाएर ‘लाल पत्रकार’मार्फत खामबन्दी प्रायोजित समाचार प्रवाह गराएको आरोप समेत लगाएका छन् । अर्याल पत्रकारिता विभागका प्राध्यापक हुन् ।

रावलले त्रिविको पाठ्यक्रमबाटै प्रजातान्त्रिक विचारहरूलाई बन्देज गर्ने,शिक्षालयहरूलाई कम्युनिस्टकरणको अभ्यास गर्ने र प्रजातान्त्रिक आस्था राख्ने प्राध्यापक,कर्मचारी र विद्यार्थीहरूमाथि नियोजित ढंगबाट निर्मम संरचनात्मक प्रहार गर्ने गरिएको आरोप समेत लगाएका छन् ।

उनी यसअघि उप प्राध्यापक प्रेम चलाउनेमाथि कुटपिट प्रकरणमा अदालतबाट दोषी ठहर भएका थिए । त्यसविरुद्ध उनीहरूको पुनरावेदन मुद्दामा भदौ ९ गतेबाट बहस हुँदैछ ।

यस्तो छ रावलको वक्तव्य,