डमोक्रेटिक दलमा खुलिन् ओप्रा विन्फ्रे, कमला ‘कमन सेन्स’ र ट्रम्प ‘ननसेन्स’ भएको तर्क

काठमाडौं । अमेरिकाकी चर्चित टेलिभिजन प्रस्तोता तथा सेलिब्रेटी ओपरा विन्फ्रे सत्ताधारी दल डेमोक्रेटिकमा खुलेकी छन् । डेमोक्रेटिक पार्टीकी राष्ट्रपति उम्मेदवार कमला ह्यारिसलाई उनले साथ मात्रै दिएकी छैनन् । कमलाको पक्षमा गएर उनले भाषण पनि गरेकी छन् ।

आफ्नो गृहराज्य सिकागोमा उनी कमलासँग खुलेकी हुन् । बेलायती विश्व च्यानल बीबीसीका अनुसार भाषण गर्दै उनले ट्रम्पलाई ‘ननसेन्स’ तथा कमलालाई ‘कमन सेन्स भएको तर्क गरिन् । साथै सत्यको पक्ष लिन भन्दै कमलालाई साथ दिन आग्रह गरेकी छन् ।

उनले दलमा खुल्नु र भाषण गर्नुलाई बीबीसीले आश्चर्य भएको भन्दै व्याख्या गरेको छ । तीन महिना मात्रै बाँकी भएको अमेरिकी राष्ट्रपतीय चुनाव तातेको छ । वर्तमान उपराष्ट्रपति कमला र पूर्वराष्ट्रपति ट्रम्पको भिडन्त रोचक हुने भन्दै व्याख्या गरिएको छ ।

सुरुमा राष्ट्रपति उम्मेदवारको दौडमा रहेका राष्ट्रपति जो बाइडेले पहिलो राष्ट्रपतीय बहसमा कमजोर प्रस्तुति गरेपछि उनलाई दल तथा दाताहरुको दबाबमा राष्ट्रपतिय दौडबाट बाहिर जान बाध्य बनाइएको अमेरिकी मिडियाहरुले उल्लेख गरेका छन् ।