रुसी मिडियामा जोडिएका अमेरिकीहरुलाई धरपकट गर्दै अमेरिका

काठमाडौं । अमेरिकाले रुसी मिडियामा जोडिएका अमेरिकीहरुलाई धरपकड गरिरहेको छ । अमेरिकी अखबार न्यूयोर्क टाइम्स्को समाचारलाई साभार गरेर रुसी विश्व च्यानल आरटीले उल्लेख गरे अनुसार अमेरिकामा हुने राष्ट्रपतिय चुनावको लागि प्रभाव पार्न सक्ने भन्दै उनीहरुमा धरकपड सुरु भएको हो ।

अमेरिकी सरकारी अधिकारीहरुले अमेरिकाका नागरिक तथा संयुक्त राष्ट्रसंघका हतियार अनुगमनकर्ता भइसकेका स्कट रिटर तथा सोभियत संघमा जन्मेका राजनीतिक विस्लेषक दिमित्रि सेमिन लगायको घरमा छापा मारेका छन् ।

अमेरिकामा यहि नोभेम्बरमा राष्ट्रपति चुनाव हुँदैछ । उक्त चुनावमा रुसको प्रभाव हुने अमेरिकी डर देखिएको छ । उसो त कुनै प्रमाण नभएता पनि सन २०१६ को अमेरिकी चुनावमा डोनाल्ड ट्रम्पलाई साथ दिएर रुसले चुनावमा धाँधली गरेको अमेरिकी आरोप लागेको थियो ।