युरोपा कन्फरेन्स लिगको क्वालिफायरमा चेल्सी विजयी

हेटौँडा । इङ्लिस क्लब चेल्सीले युरोपा कन्फरेन्स लिगको क्वालिफायरमा सर्भेटलाई २–० ले हराएको छ ।

स्टामफोर्ड ब्रिजमा भएको पहिलो लेगमा क्रिस्टोफर न्कुन्कु र नोनी माडुकेको गोलको मद्दतमा युरोपा कन्फरेन्स लिग क्वालिफायरमा आफ्नो पूर्ण नियन्त्रण कायम गरेको छ ।

पहिलो हाफ गोलरहित बराबरीमा रोकेको सर्भेटले दोस्रो हाफमा चेल्सीको प्रहार रोक्न सकेन ।

चेल्सीले खेलको ५०औँ मिनेटमा क्रिस्टोफर न्कुन्कुको गोल मार्फत आफ्नो अग्रता पायो । उनले प्राप्त पेनाल्टीको सदुपयोग गर्दै चेल्सीलाई अग्रता दिलाए ।

खेलमा दोस्रो गोल ७६ औँ मिनेटमा निस्कियो । नोनीले गोल गर्दै चेल्सीको जित सुनिश्चित गरे ।