साउदी प्रो लिग सुरु : रोनाल्डोको अल नासर बराबरीमा रोकियो

हेटौँडा । साउदी प्रो लिगको नयाँ सिजन सुरु भएको छ ।

गए राति सम्पन्न साउदी लिगको खेलमा रोनाल्डो प्रेरित अल नासर बराबरीमा रोकिएको छ ।

अल नासरलाई अल राएदले १-१ गोलको बराबरीमा रोकेको हो ।

अल नासरका लागि क्रिस्टियानो रोनाल्डोले खेलको ३४औँ मिनेटमा गोल गर्दै सुरुवाती अग्रता दिलाएका थिए ।

तर अल राएदका लागि मोहमद फौजैरले खेलको ४९औँ मिनेटमा पेनाल्टीबाट गोल गर्दै अल नासारलाई नयाँ सिजनको पहिलो खेलमा बराबरीमा रोक्न सफल बन्यो । यो खेलपछि दुवै क्लबले एक/एक अंक हासिल गरेका छन् ।