साफ यू-२० च्याम्पियनसिपः भारतसँग माल्दिभ्स पराजित, सेमिफाइनल समीकरण पूरा
नेपाल प्रेस
२०८१ भदौ ७ गते १९:०९
काठमाडौं । माल्दिभ्सलाई पराजित गर्दै भारत साफ यू-२० च्याम्पियनसिपको सेमिफाइनलमा पुगेको छ ।
सातदोबाटोस्थित एन्फा कम्प्लेक्समा आज भएको समूह ‘बी’ अन्तर्गत समूह चरणको अन्तिम खेलमा भारतले माल्दिभ्सलाई १-० गोल अन्तरले पराजित गर्दै सेमिफाइनलमा पुगेको हो ।
भारतले खेलको दोस्रो हाफको अतिरिक्त समयमा गोल गर्यो । भारतका किपगेनले डी-बक्स बाहिरबाट हानेको प्रहारले जाली चुमेको थियो ।
यस खेलसँगै सेमिफाइनलमा पुग्ने चार टोलीको टुङ्गो लागेको छ । समूह ‘बी’ बाट भारत समूह विजेता बनेको छ भने भूटान उपविजेता बनेको छ ।
यसैगरी समूह ‘ए’ बाट नेपाल विजेता र बङ्गलादेश उपविजेता बन्दै सेमिफाइनलमा पुगेका छन् । अब पहिलो सेमिफाइनल खेलमा नेपाल र भुटानबीच यही भदौ ९ गते प्रतिस्पर्धा हुनेछ ।
त्यस्तै दोस्रो सेमिफाइनलमा भारत र बङ्गलादेश भिड्नेछन् । उक्त खेल भने भदौ १० गते हुनेछ ।
नेपाल प्रेस
प्रकाशित: २०८१ भदौ ७ गते १९:०९
प्रतिक्रिया
सम्बन्धित खवर
