बस दुर्घटनाका घाइते भारतीय पर्यटक भेट्दै गृहमन्त्री लेखक र भारतीय राज्यमन्त्री खडसे (तस्बिरहरु)

काठमाडौँ । हिजो भारतीय पर्यटकहरु बोकेको बस दुर्घटनामा परेर घाइते भएका बिरामीहरुलाई आज नेपाली गृहमन्त्री रमेश लेखक तथा भारतीय युवा तथा खेलकुद राज्यमन्त्री रक्षा खडसेले भेटेका छन् ।

उनीहरुले शिक्षण अस्पतालमा गएर बिरामीहरुको सन्चोबिसन्चो र स्वाथ्य अवस्थाको जानकारी लिएका हुन् । भारतीय प्रधानमन्त्री नरेन्द्र मोदीको निर्देशनमा राज्यमन्त्री रक्षा खडसे नेपाल आएकी हुन् ।

उनले घाइतेसँग भेटघाट गर्ने, घटनाको जानकारी लिने र शव बुझ्ने बताइएको छ । नेपालमा हिजोको दुर्घटनाका २७ शव लिन भारतीय एयरफोर्सको विमान आउँने भारतीय मिडियाहरुले उल्लेख गरेका छन् ।