‘आत्मनिर्भर नेपाल अभियान’ उद्घाटन गर्दै डीपी अर्यालले भने- रास्वपाले हरेक सुरुवात नयाँबाट गर्छ (भिडिओ)

काठमाडौं । राष्ट्रिय स्वतन्त्र पार्टीका उपसभापति डीपी अर्यालले आफ्नो पार्टीले देशमा युवालाई रोक्नसक्ने कार्यक्रमहरु अघि सार्दै आइरहेको बताएका छन् । पार्टीको ‘आत्मनिर्भर नेपाल अभियान’ सुरु गर्दै रास्वपाले हरेक सुरुवात केही नयाँ कामबाट गरिरहेको बताए ।

उनले भने, ‘हामीले हरेक सुरूवात केही न केही नयाँ, नेपालीको आवश्यकता आजको युवा पुस्तालाई कसरी यो देशमा रोक्न सकिन्छ प्रयास गरिरहेका छौं । रास्वपाले केका लागि राजनीति गरिरहेको छ, जनताको आवश्यकता र देशले खोजेको जस्तो राजनीति गर्दैछ कि नेता बन्न ? अहिलेसम्म देशमा भएको जस्तो राजनीति गर्दैछ । यो कुरा सबैले बुझ्नुपर्छ ।’

रास्वपाले आजबाट आत्मनिर्भर नेपाल अभियान सुरु गरेको छ । अभियानको उपसभापति अर्यालले पार्टी कार्यालयबाट घण्टी बजाएर सुरु गरेका हुन् ।