ब्राइटनसँग म्यान्चेस्टर युनाइटेड पराजित

हेटौंडा । इङलिश प्रिमियर लिगमा म्यान्चेस्टर युनाइटेड पराजित भएको छ । शनिबार साँझ भएको खेलमा म्यान्चेस्टरलाई ब्राइटनले २-१ गोल अन्तरले पराजित गरेको हो ।

ब्राइटनका जेआओ पेड्रोले इन्जुरी समयको पाँचौं मिनेटमा गोल गरेपछि ब्राइटनले जीत निकालेको हो ।

ब्राइटनको घरेलु मैदानमा भएको खेलमा अग्रता पनि ब्राइटनले नै लिएको थियो । ब्राइटनको लागि खेलको ३२औं मिनेटमा ड्यानी बेलब्याकले गोल गर्दै टीमलाई १-० को अग्रता दिलाएका थिए, तर दोस्रो हाफको ६०औं मिनेटमा म्यानयुका अमाद डियालोले गोल गर्दै टीमलाई १-१ गोलको बराबरीमा ल्याएका थिए ।

खेल सकिनै लाग्दा ब्राइटन निर्णायक गोल गरेर घरेलु दर्शकलाई खुसी पार्दै महत्वपूर्ण तीन अंक बटुल्न सफल भएको छ ।