अस्ट्रेलियामा नयाँ कानून- रोजगारदाताको कल नउठाउन पाउने

काठमाडौं । अष्ट्रेलियाले कर्मचारीहरूले रोजगारदाताको कल अथवा सन्देश नउठाउन वा इग्नोर गर्न पाउने अधिकारको प्रावधान राखेर नयाँ कानून ल्याएको छ ।

मानसिकरूपमा तयार नभएको समयमा त्यस्तो अधिकार दिइएको हो । यसलाई ‘राइट टु डिस्कनेक्ट’ नाम भनिएको छ । वार्षिक १८१ घण्टा ओभर टाइम काम गर्ने अष्ट्रेलियाली रहेको सर्वेको तथ्य सार्वजनिक भएपछि यस्तो कानून आएको बीबीसीले जनाएको छ ।

यस्तो कानून हुने अस्ट्रेलिया पहिलो देश भने होइन । यस्ता कानून यूरोप तथा ल्याटिन अमेरिकालगायतका २० देशमा भएको बीबीसीले लेखेको छ । कानूनले रोजगारदातालाई सम्पर्क गर्न भने निषेध गर्दैन । तर, कर्मचारीलाई सम्पर्कमा नहुन अधिकार दिन्छ ।

कानून पालनामा कमजोरी भएको खण्डमा अस्ट्रेलियाको स्वच्छ कार्य आयोग (एफडब्लूसी) ले जरिवाना गर्नेछ । व्यक्ति भए १९ हजार अस्ट्रेलियन डलर र कम्पनी भएमा ९४ हजार डलर जरिवानाको व्यवस्था गरिएको छ ।