साफ च्याम्पियनसिपको फाइनल खेल पनि सातदोबाटोमै हुने

काठमाडौं । साफ यू-२० च्याम्पियनसिपको फाइनल खेल सातदोबाटोमै हुने भएको छ । यसअघि फाइनल खेल दशरथ रंगशाला हुने तय गरिएकोमा एन्फाले सोमबार सूचना जारी गर्दै फाइनल खेल पनि सातदोबाटोको एन्फा कन्फ्लेक्समा हुने जनाएको हो ।

साफ यू–२० च्याम्पियनसिपको उपाधिका लागि घरेलु टोली नेपाल र बंगलादेश खेल्दैछन् । उक्त खेल बुधबार दिउँसो साढे २ बजेबाट सुरु हुनेछ ।

सेमिफाइनलमा नेपालले भुटान र बंगलादेशले भारतलाई पराजित गर्दै फाइनल यात्रा तय गरेका थिए ।