कांग्रेस सांसदको प्रश्न- खुलामञ्चमा हिजो देखिएको आक्रोशले कतातिर संकेत गरिरहेको छ ? (भिडिओ)

काठमाडौं । नेपाली कांग्रेसका सांसद राजेन्द्र बजगाईँले हिजो खुलामञ्चमा भएको आक्रोशलाई बुझ्नुपर्ने बताएका छन्।

प्रतिनिधिसभाको बैठकमा बोल्दै हिजो खुलामञ्चमा हिजो जुन आक्रोश आयो यसले कतातिर संकेत गरिरहेको छ ? भन्दै प्रश्न गरे।

हिजो गौरा पर्वको अवसरमा काठमाडौंको टुँडिखेलमा आयोजित कार्यक्रममा प्रधानमन्त्री केपी शर्मा ओली र कांग्रेसका सभापति शेरबहादुर देउवाविरुद्ध नाराबाजी भएको थियो।

सांसद बजगाईँले अगाडि भने, ‘कुन सरकारलाई पत्याउने ? यो भन्दा अगाडि पनि हामी सरकारमा थियौँ। त्यो सरकारले विद्युतको बक्यौता छुट गर्‍यो भन्ने छ, अहिलेको सरकारले भ्रष्टाचार गर्दिनँ, भ्रष्टाचारीलाई सामेल पनि गराउँदिन भनेको छ।’