नेकपा एसको पदाधिकारी र पोलिटब्युरो सदस्य छान्न मतदान सुरू (तस्विरहरु)
२०८१ भदौ ११ गते १८:०३
काठमाडौं । नेकपा एकीकृत समाजवादीका पदाधिकारी र पोलिटब्युरो सदस्य चयन गर्न मतदान सुरु भएको छ ।
डेढ महिनाअघि अध्यक्ष, सम्मानित नेता र महासचिव सर्वसम्मत गरेको नेकपा एसले बाँकी पदाधिकारी र पोलिटब्युरो सदस्य चयन गर्न आज मतदान गरेको हो ।
मतदान २ बजेदेखि सुरु हुने भनिए पनि ढिलो गरेपछि केन्द्रीय सदस्यहरु आक्रोशित भएका थिए । आफूहरुलाई लाइनमा राखेर नेताहरुले वास्ता नगरेको भन्दै नेताहरुले विरोध जनाएपछि करिब ४ घण्टापछि मतदान सुरु गरिएको हो ।
महिला उपाध्यक्ष एक पदका लागि जयन्तीदेवी राई र रामकुमारी झाँक्रीको उम्मेदवारी परेको छ । मधेशी समुदायको उपाध्यक्षमा धर्मनाथ प्रसाद शाह र रामचन्द्र झाको उम्मेदवारी परेको छ ।
खुला चार उपाध्यक्षका लागि ११ जनाको उम्मेदवारी परेको छ । चार उपमहासचिव पदमा लक्ष्मण केसीलगायत २० जनाको उम्मेदवारी परेको छ।
नेकपा एसमा १ अध्यक्ष, १ सम्मानित नेता, वरिष्ठसहित ७ उपाध्यक्ष, १ महासचिव, ४ उपमहासचिव, ७ सचिव रहने व्यवस्था छ ।
आज मतदान सकिएलगत्तै गणना सुरु हुने पार्टीले जनाएको छ । वरिष्ठ उपाध्यक्षमा राजेन्द्र पाण्डे सर्वसम्मत भइसकेका छन् ।
प्रकाशित: २०८१ भदौ ११ गते १८:०३
प्रतिक्रिया
सम्बन्धित खवर
