फोटो कथा: विराटनगरको रथ यात्रा

विराटनगर । विराटनगरमा आज निकालिएको राधाकृष्णको रथयात्रामा लाखौं सहभागी भएका छन् । विराटनगर महानगरपालिका- १ स्थित राधाकृष्ण मन्दिरमा कोशी प्रदेशका मुख्यमन्त्री हिक्मतकुमार कार्कीले पूजाअर्चना गरेपछि रथ यात्रा निकालिएको हो ।

श्रीकृष्ण जन्माष्टमीको भोलिपल्ट हरेक वर्ष विराटनगरमा रथ यात्रा निकाल्ने चलन छ । विक्रम संवत् १९८८ सालबाट खट यात्रा प्रारम्भ भएको मानिन्छ । २०२५ सालबाट भने विराटनगरमा रथ यात्रा मनाउन थालिएको हो ।

राधाकृष्णको युगल जोडीसहितको ९३औं संस्करणको रथ यात्रा विराटनगर महानगरपालिका- १ स्थित राधाकृष्ण मन्दिरबाट बजार परिक्रमा गर्दै पुनः मन्दिरमै पुगेर समापन हुनेछ ।

रथ यात्रामा ५ लाखभन्दा बढी सहभागी भएको आयोजकको दाबी छ । रथ यात्रामा चोरी तथा पकेट मार्ने काममा सम्लग्न रहेको आरोपमा १५० भन्दा बढीलाई प्रहरीले नियन्त्रणमा लिएको छ ।