सुदूरपश्चिममा प्रचण्डलाई असजिलो कुर्सी, सोधे- अध्यक्षलाई गाह्रो होस् भनेर हो ?’

कैलाली । पार्टीको प्रदेश परामर्श बैठकमा सहभागी हुन धनगढी पुगेका माओवादी अध्यक्ष पुष्पकमल दाहाल प्रचण्डलाई कार्यक्रममा असजिलो कुर्सी परेको छ । कार्यक्रम सुरु हुनुभन्दा केही बेर अघिसम्म पनि उनी त्यही असजिलो कुर्सीमा सकस मानिमानी बसेका थिए ।

केही बेरपछि सहभागीहरूले अध्यक्षलाई अफ्ठेरो कुर्सी परेको बताए । ‘मेरो अध्यक्षलाई अफ्ठेरो गाह्रो भने होला’ प्रचण्डले मुस्कुराउँदै भने ।

प्रचण्डले आफूलाई अफ्ठेरो परको आशय व्यक्त गरेपछि तुरुन्त उनको कुर्सी फेरिएको थियो । कुर्ची फेरेपछि प्रचण्डले सहजता महसुस गरे । त्यसपछि कार्यक्रम सुरु भएको थियो ।

पार्टीको प्रदेश परामर्श बैठकमा सहभागी प्रचण्ड सहित पार्टीका वरिष्ठ उपाध्यक्ष नारायणकाजी श्रेष्ठ, उपाध्यक्षद्वय अग्नि सापकोटा र पम्फा भुसाल, महासचिव देव गुरुङ, उपमहासचिव गिरिराजमणि पोखरेल, जनार्दन शर्मा, वर्षमान पुन, शक्ति बस्नेत, हरिबोल गजुरेललगायत नेताहरू सहभागी भएका छन् ।

माओवादीको सुदूरपश्चिम प्रदेश संयोजन समितिमा कार्यरत केन्द्रीय सदस्य र प्रदेश पदाधिकारीको परामर्श स्वास्थ्य तालिम केन्द्रमा सुरु भएको छ ।

दुई दिनसम्म चल्ने बैठकमा सुदूरपश्चिमबाट पार्टीका ६५ जना केन्द्रीय सदस्य र १२ जना प्रदेशका पदाधिकारी सहभागी छन् ।