सुदूरपश्चिममा प्रचण्डसहित जम्बो पदाधिकारी टोलीको दोस्रो दिन (तस्बिरहरू)

कैलाली । माओवादी केन्द्र सुदूरपश्चिम प्रदेशको पार्टीको प्रदेश परामर्श बैठक आज सकिने छ । हिजोबाट स्वास्थ्य तालिम केन्द्रमा बैठक सुरु भएको थियो । पहिलो दिन १२ बजे सुरु भएको बैठक आज दोस्रो तथा अन्तिम दिन बिहान ८ बजेदेखि सुरु भएको छ ।

बैठकमा अध्यक्ष पुष्पकमल दाहालसहित पार्टीका वरिष्ठ उपाध्यक्ष नारायणकाजी श्रेष्ठ, उपाध्यक्षद्वय अग्नि सापकोटा र पम्फा भुसाल, महासचिव देव गुरुङ, उपमहासचिव गिरिराजमणि पोखरेल, जनार्दन शर्मा, वर्षमान पुन, शक्ति बस्नेत, हरिबोल गजुरेललगायत नेताहरू सहभागी छन् ।

सुदूरपश्चिममा पहिलो पटक माओवादीको जम्बो पदाधिकारीको टोली पुगेको हो ।

माओवादीको सुदूरपश्चिम प्रदेश संयोजन समितिमा कार्यरत केन्द्रीय सदस्य र प्रदेश पदाधिकारीको परामर्श बैठकमा पार्टीका ६५ जना केन्द्रीय सदस्य र १२ जना प्रदेशका पदाधिकारी सहभागी छन् ।

हिजो ३२ जनाले आफ्नो धारणा राखेका थिए । आज बाकीको धारणा सुन्ने र नेतृत्वले जवाफ दिने कार्यक्रम रहेको छ ।