जापानमा सामुद्रिक आँधी आउँदा तीन जनाको मृत्यु, ३९ घाइते
नेपाल प्रेस
२०८१ भदौ १३ गते ११:२०
काठमाडौं । जापानमा आएको सामुद्रिक विपत् शान्सान टाइफूनमा परी तीन जनाको मृत्यु भएको छ ।
मृत्यु हुनेमा ७० वर्ष उमेर समूहका दम्पती तथा ३० वर्ष उमेर समूहका एक युवक भएको बताइएको छ । मृत्यु हुने तीनै जना पाँच जनाको एकै परिवारका सदस्यहरू थिए ।
यस्तै ३९ जना घाइते भएका छन् । बेलायती विश्व च्यानल बीबीसीका अनुसार दक्षिणी जापानमा आएको टाइफूनको कागोसिमा प्रिफेक्चरमा आएको थियो ।
२५२ किलोमिटर प्रतिघण्टाको दरले आएको टाइफूनले बाढी, पहिरो र आँधी एकै पटक आएको बताइएको छ ।
जापानमा अहिले साढे २५ हजार घरपरिवारमा विद्युत बन्द भएको छ ।
नेपाल प्रेस
प्रकाशित: २०८१ भदौ १३ गते ११:२०
प्रतिक्रिया
सम्बन्धित खवर
